Məhəmməd məscidindən üç yüz metr məsafədə olan “Da Vinci Hotel” Bakının ən qədim, mərkəz küçələrindən birində yerləşir. Özəl terrasla təmin edilmiş "Da Vinci Suite" adlı otağı “Alov qüllələri”nə olan mənzərəsi ilə seçilir. Zərif dizayn və interyerə sahib olan hotelin hər bir guşəsi qonaqlar üçün xüsusi rahatlıq imkanları yaradır.

Məhz buna görə də Bakıya turistik məqsədli gələn qonaqların sevimli məkanlarından biridir. “Da Vinci Hotel” “Şirvanşahlar sarayı”, “Filarmoniya bağı” və “Qız qalası”na yaxın bir ərazidə yerləşir. Həmçinin bu hotelin restoranında Amerika mətbəxinin təamları özünməxsus yer tutur.